NOVA
Şəxsi inkişaf6 dəq oxu

Doğru Şeylər Matrisi

Vaxtının və enerjinin harada axıb getdiyini gör, nələri həyatından çıxaracağına qərar ver.

01 · Tanış gəlir?

Gün ərzində qaça-qaçdasan, nələrsə edirsən, amma günün sonu yenə də hədəflərindən çox uzaqdasan

Yorğun və gərgin qadın noutbukun qarşısında əlini alnına qoyub, çox iş görsə də irəliləyə bilmədiyini hiss edir

Bu, sənin tənbəlliyin deyil. Çox vaxt problem vaxtın harada getdiyini görməməkdir.

Qum saatı: vaxt hamı üçün eyni və məhdud resursdur

Vaxt yeganə resursdur ki, onu artıra bilmirik. Hamımızın gündə 24 saatı var və bizi uğurlu və ya uğursuz edən o resursdan necə istifadə etdiyimizdir. Bu, nəyisə sürətli etməklə yox, vaxtımızı ayırdığımız şeyləri seçməklə baş verir. Bəs ondan necə düzgün istifadə edək?

“Bu gün hədəflərimə çatmaq üçün edə biləcəyim ən yaxşı şey nədir?”

Metodologiya Thomas Erikson-un Surrounded by Energy Vampires kitabındakı “doğru şeylər” ideyasına əsaslanır. Kitab enerjini alan insanlardan, vərdişlərdən və vaxt itkisindən bəhs edir. Biz bu ideyanı gündəlik həyata tətbiq edə biləcəyin sadə formaya saldıq.

02 · Matris

2 sual, 4 kateqoriya

Nəyin sənin üçün vacib və vaxtını ayırmağa dəyər olduğunu anlamaq üçün 2 suala cavab ver və işi müvafiq kateqoriyaya əlavə et.

1. Nə?

Bu iş məni hədəflərimə, istədiyim vaxtda yaxınlaşdırırmı? Bəli isə bu doğru şeydir. Xeyr isə yanlış şeydir.

2. Necə?

Mən bunu effektiv metodla edirəmmi? Bəli isə doğru metod. Xeyr isə yanlış metod.

Yanlış şeylərHeç vaxt etmə
Doğru şeylərHədəflərinə aparır
Doğru metodla
Yanlış şey · doğru metod

Aldadıcı zona

Lazım olmayan işi yaxşı görmək.

 Doğru şey · doğru metod

Nəticə zonası

Hədəflərə aparan iş, effektiv metodla.
Yanlış metodla
Yanlış şey · yanlış metod

İtki zonası

Nəticəsi olmayan, üstəlik bacarmadığın iş.

 Doğru şey · yanlış metod

İnkişaf zonası

İstiqamət düzgündür, metod isə ideal deyil.

Sol tərəfdəki iki kateqoriya vaxt itkisidir. Matrisin məqsədi onları tapıb siyahıdan çıxarmaq, enerjini isə sağ tərəfə yönəltməkdir.

Vaxt da vacibdir. Doğru iş hədəflərinə lazım olan vaxtda yaxınlaşdıran işdir. Bu gün yanlış olan iş sabah doğru ola bilər, sənə yanlış olan iş isə başqası üçün doğru ola bilər.

03 · Necə doldurulur

Matrisi üç addımda doldur

Qələm, kağız və on beş dəqiqə kifayətdir. Ya da birbaşa aşağıdakı kateqoriyalara yaz.

Spiralli dəftərdə əlində qələmlə prioritetlərini yazan qadın, yanında qəhvə, çiçəklər və kitablar

  1. Hədəflərini yaz

    Növbəti 90 gün üçün 5 əsas hədəfini yaz.

    Növbəti 90 gün üçün hədəflərim

  2. Gündəlik etdiyin işləri düşün

    Gün ərzində nə etdiyini xatırla və özünə bu sualları ver:

    • Səhər oyananda ilk nə edirəm?
    • İş vaxtı vaxtımın çoxunu nəyə sərf edirəm?
    • Axşam və həftə sonu nələrlə məşğul oluram?
    • Hansı işləri hər gün təkrar edirəm, amma niyə etdiyimi bilmirəm?

  3. Hər işi müvafiq kateqoriyaya yaz

    Hər işə iki sual ver. Birinci: bu iş məni hədəflərimə, istədiyim vaxtda yaxınlaşdırırmı? Bəli isə sağ sütun, xeyr isə sol sütun. İkinci: mən bunu effektiv metodla edirəmmi? Bəli isə yuxarı sıra, xeyr isə aşağı sıra. Sonra işi aşağıdakı müvafiq kateqoriyaya yaz.

    Yanlış şey · doğru metod

    Aldadıcı zona

    Nəyi yaxşı bacarıram, amma hədəflərimə xidmət etmir?

    Doğru şey · doğru metod

    Nəticə zonası

    Nə məni hədəflərimə yaxınlaşdırır və yaxşı gedir?

    Yanlış şey · yanlış metod

    İtki zonası

    Nə enerjimi azaldır və heç yerə aparmır?

    Doğru şey · yanlış metod

    İnkişaf zonası

    Nə vacibdir, amma çətin yolla edirəm?

Kateqoriya seçmək çətindirsə, soruş: bu işi etməsəm, hədəflərimdən nə itirərəm? Cavab “heç nə” isə, işin yeri soldadır.

Yekun sual

Hansı kateqoriyada gün ərzində daha çox iş görürsən?

Nəticələrini yadda saxla

04 · Addımlar

Hər kateqoriya üzrə hansı addımları atmalısan?

Hər kateqoriyanın mənasını, sənin addımını və içindəki enerji hissini gör.

Doğru şey · doğru metod

Nəticə zonası

Hədəflərinə aparan işlər, effektiv metodla görülür. İstənilən sahədə ən yaxşılar vaxtının böyük hissəsini burada keçirir.

Enerji: yüksəlir, iş çətin olsa belə.

Atmalı olduğun addım

Qoru. Bu işləri təqvimə birinci yaz, enerjinin ən yüksək olduğu saatlara.

Doğru şey · yanlış metod

İnkişaf zonası

İkinci ən yaxşı yer. İstiqamət düzgündür, metod isə ideal deyil. Bu normaldır, çünki öyrənmək təkrarla olur. Bu kateqoriya Nəticə zonasına gedən yoldur.

Enerji: yorucu, amma ümidverici.

Atmalı olduğun addım

İşi saxla, metodu düzəlt. Yoxlama siyahısı hazırla, təlim və ya rəy al, ya da bu işi daha yaxşı bilən birinə həvalə et.

Yanlış şey · yanlış metod

İtki zonası

Hədəflərinə xidmət etməyən və üstəlik bacarmadığın işlər. İldə milyonlarla saat məhz burada itir.

Enerji: azalır, qıcıqlandırır.

Atmalı olduğun addım

Burax. Aydın “yox” de və bu işi siyahıdan həmişəlik sil.

Yanlış şey · doğru metod

Aldadıcı zona

Yanlış işi yaxşı görmək. Ən təhlükəli kateqoriyadır, çünki bacardığın üçün irəliləyirmiş kimi hiss edirsən.

Enerji: məhsuldar görünür, amma heç nə yerindən tərpənmir.

Atmalı olduğun addım

Dayan, nə qədər yaxşı bacarsan da. Nəyisə yaxşı bacarmaq onu davam etdirmək üçün səbəb deyil.

Boş vaxtın səninkidir. Matris yalnız hədəflərinə ayırdığın vaxta aiddir. İstirahət üçün seçdiyin şeylər itki deyil.

05 · Növbəti addımlar

Hər gün özünə bu sualı ver

Gündəlik sual

İndi doğru iş nədir?

Bunu ekranının kənarına yapışqanlı kağızla, güzgüyə və ya telefonda saatlıq xatırlatma kimi yaz. Yalnız suala cavab ver, qalanı özü yoluna düşəcək.

Divar saatı: hər an özünə doğru işin nə olduğunu xatırlat

NOVA

Təkbaşına deyil

Matrisi doldurmaq ilk addımdır. Növbəti sual isə çox vaxt belə olur: hansı işdən başlayım və nələri həqiqətən buraxım? Bunu tək həll etmək çətin ola bilər. Koçinq sessiyasında sənin matrisinə, hədəflərinə və vaxtının harada getdiyinə birlikdə baxırıq, sənə uyğun aydın plan qururuq.

Koçinq sessiyasına yazıl